SAN MIGUEL, LEYTE – Usa nga disgrasya ha kadalanan an nahipatik ha Brgy. Lukay, San Miguel, Leyte.
Ginkilala an driver han han Behikulo 1 kan Margarita Sotto, 48-anyos an pangidaron, samtang an Behikulo 2 naman in gin mamanehuan hin usa nga menor de edad ngan may-ada backrider nga 16-anyos an pangidaron, ngan parehas residente han Brgy. Salvacion, Alangalang, Leyte.
Sumala kan San Miguel Municipal Police Station Acting Chief of Police, PCpt. Fidel Triste Jr., magka-iba hin direksyon nga ginsusubay an duha nga motorsiklo kun diin an behikulo 1 in katapo han behikulo 2 nga tipakadto ha proper han San Miguel.
Basar han imbestigasyon, waray makasabot an behikulo nga nag-left turn an behikulo 1 sanglit ha pagtapo han mga ine in nagkabungguay an mga ine.
Nag-angkon naman hin mga kasamdan ha lawas ngan ha ulo an mga biktima kun diin dayun gihapon an mga ine nga gindara ha EVMC para han kaangayan nga pagtambal.
Ha pagkayana in ada na ha maupay nga kabutang an mga biktima.
