TACLOBAN CITY- Malinampuson nga nadakop han mga otoridad an duha nga paragbaligya hin shabu ha Palo, Leyte pinaagi ha drug buy-bust operation nga guinbuhat han Leyte Police Provincial Office (LPPO).
Guinkilala an mga suspek nga hira Ronald Baldota Atar, 40 anyos an pangidaron, inasaw-an ngan hi Antonio Cinco Ascarraga, 23 anyos an pangidaron ngan pareho mga residente han Barangay 84 Manlurip, San Jose ha syudad han Tacloban.
Nakuha tikang ha poder han mga suspek an usa ka sachet nga may sulod han guintutuuhan shabu ngan 500 pesos nga buy-bust money.
Samtang, nakumpiska guihapon han mga otoridad an kadugangan nga 4 ka sachet nga may sulod han suspected shabu ngan guinbabana-bana nga nagkakantidad hin 80 mil pesos.
Dayon naman nga napasakahan hin kaangayan nga kaso an duha nga suspek mahitungod ha pagtalapas han RA 9165 o may kalabutan ha illegal nga droga nga aktibidadis.
