TACLOBAN CITY – Duha nga mga panimalay an totally washed out ha nahitabo nga pagbabaha durot han waray hunong nga pag-inuran ha pira nga bungto han Northern Samar.
Sumala kan Rei Josiah Echano, PDRRM Officer han Northern Samar, maabot ha 805 nga mga pamilya tikang ha 14 nga mga barangay ha Allen an naapektaran han mao nga pagbabaha.
Duha naman nga pamilya an ginpailarom ha evacuation ngan sobra 300 ektarya hin humayan an nadistroso.
Nagkaada gihapon hin power interruption pero dayon naman ini nga naibalik mahuman nga makontrol an sitwasyon.
Ha pagkayana in gin-aandam na han Northern Samar provincial government an tambulig nga ighahatag ha mga apektado nga pamilya pinaagi han ira naka-standby nga quick response fund han LGU ngan provincial government.
