TACLOBAN CITY – Duha nga bata an nakit-an nga patay nga gintutuuhan nga nalumos ha Barangay San Pablo, siyudad han Ormoc.
Ginkilala an mga menor de edad nga hira Jhonar Joseph Gonato, 9 anyos an pangidaron kaupod han bugto hini nga Nerry Gonato, 8 anyos pareho mga residente han Purok 1 Barangay San Pablo.
Nabaruan nga nahianod an magbugto tungod ha makusog nga salog han mao nga sapa dara han grabe nga pag inuran.
Duro naman an kasubo yana han kag-anak han mga biktima nga kun diin sumala pa han nanay nga waray daw magsarit an iya duha nga anak nga mangangarigo an mga ini ha sapa.
Nakit-an an patay nga lawas ni Josep ha Barangay Bantigue samtang nakadto naman ha Anilao river an patay nga lawas ni Nerry.
Ginhihingita naman han Ormoc kun may foul play ba an mao nga insidente.
