TACLOBAN CITY– Arestado an duha nga kapulisan ha sulod hiton bulangan dida han adlaw hiton kapaskuhan ha Sulat Cockpit Arena, Barangay Maglipay Sulat, Eastern Samar.
An mga ine in usa nga PSsg. ngan usa nga PCpl. Parehas mga active PNP personnel nga destino ha Sulat MPS Eastern Samar.
Sumala kan Eastern Samar Police Provincial Office, Provincial Director, PCOL. Ernesto Macasil, an nasabi nga mga police personnel in makadamo na magbinalik-balik ha nasabi nga bulagangan ha kaluyo nga mahugot ine nga iginpapagbawal ha ira mga mga uniformed personnel.
Dugang pa ni Macasil, mahuman nira makarawat an report nga mayda mga uniformed personnel nga nakadto ha sulod han bulangan, dayon hira nga nagdumara hin panginano, kun diin ha ira pag-abot in tilakat na an duha nga kapulisan, ngan dayon an mga ine ira gindaop ngan gindara ha Sulat Municipal Police Station para ha imbestigasyon.
Ha pagkayana, ada ha kostudiya hiton nasabi nga istasyon han pulisya an duha nga police nga dabi han ilegal nga buruhaton ngan posible umatubang ha sirot nga pagtalapas ha grave misconduct ngan kun mahuman an imbestigasyon ngan mapamatud-an hira nga dabi han ilegal nga buruhaton posible pa an mga ine umatubang ha sirot nga dismissal from the service.
