TACLOBAN CITY – Ginpasakahan hin duha nga disqualification case hi Leyte 4th District Representative Richard Gomez ni Matag-ob, Leyte Councilor Jose Yap mahitungod han gin aaligar nga magkadurudilain nga mga rason.
Ha reklamo ni Yap, ginyakan hini nga nagtalapas hi Gomez ha section 80 ngan 261 han Omnibus Election Code mahitungod nga durante han gindumara nga campaign rally in gin akusaran niya an katugbang hini nga hi Former Justice Ching Veloso nga usa daw nga protector han droga.
An ikaduha naman nga petisyon in tungod han gin aalegar naman ni Yap nga mayda nakit-an nga mga armado nga mga kalalakin-an nga nakasul-ot hin color blue nga uniform an burubunyog naman ni Gomez.
Pagtagan pa hin duon ni Yap nga gingagamit daw la ni Gomez an serbisyo han mga armado nga grupo nga nagpaka full tactical gear agud tarhugon ngan piriton an pira nga mga empleyado han gobyerno.
Ginyakan pa ni Yap nga usa daw nga malisyoso ngan pag guba han reputasyon ha katugbang hini an mga pamulong o kun an mga ginbul-iwan nga mga pahayag ni Gomez.
Ginkukuhaan pa naman han Bombo Radyo Tacloban an kampo ni Gomez.
