Ginsaka han duha katawo an pinakatuktok han spire han Empire State Building ha New York City dida han Myerkules agud mag-unfurl hin usa nga dako nga banner nga nananawagan para ha pankalibutan nga kahimyang, nga ha pag-iha in nahingadto ha usa nga marriage proposal.
Nakasul-ot hin sleeveless black outfits an duha samtang nakakapot ha antenna spire han kilala ha establisyemento, harani ha nalaga nga pula nga suga ha tuktok hini nga mayda kahitaas nga sobra-kulang 1,454 feet (443 metros) tikang ha karsada han Midtown Manhattan.
Kapot nira an usa nga itom nga banner nga mayda busag nga all-capital letters nga nakasurat nga: “When the power of love beats the love of power the world knows peace.”
Banda alas-12:30 han hinay-hinay nga lumusad an mga ini ha hamubo nga parte han antenna structure, kun diin subay ha aerial video, usa ha haira an lumuhod ngan nahingadto ha marriage proposal ugsa naghangkupay ngan nagharukay.
Nahipatik naman nga gin aresto han mga otoridad an magtiayon ha paglusad na han mga ini ubos.
