-- Advertisements --
TACLOBAN CITY – Nakatalaan nga bumiyahe an grupo han pira nga mga Yolanda survivors pakadto ha Bicol Region agud nga maghatag hin bulig para ha mga nabiktima han Bagyong Rolly.
Sumala kan Archibal Janseen Antig, Fire Chief ha Tacloban Chamber Volunteer Fire Brigade Association Inc, nga maabot ha duha ka truck nga puno hin mga relief goods an nagbiyahe pakadto ha Albay ngan Catanduanes.
Sumala kan Antig nga ginbuhat ini nira nga drive tungod nga ini an panahon nga magbalos ha mga katawhan nga bumulig han panahon han kasagsagan han Bagyong Yolanda.
Samtang ha pagkayana in padayun naman an ira campaign drive ngan panawagan ha mga katawhan nga gusto bumulig.
