-- Advertisements --
TACLOBAN CITY – Nasunog an duha ka andana nga residential house ha Brgy. Mabolo Catarman Northern, Samar.
Sumala kan SFO1 Ryan Estapon Fire Arson Investigator hiton Catarman Fire Station, waray manggud maubos an parte han balay nga maugbaw ngan sugad man an mga gamit hine ngan maabot 80 ngada ha 90% la an nasunog hine ha second floor.
Dugang pa han mao nga opisyal, waray naman nahipatik nga namatay ha mao nga panhitabo.
Ginbabana-bana naman nga maabot ha P20,000 an ginbayaan nga danyos han mao nga panhitabo.
Ha pagkayana in padayon la gihapon an gindudumara nga imbestigasyon hiton mga otoridad kasumpay han mao nga sunog.
