TACLOBAN CITY– Tinikangan ka-kulop nga adlaw, iginpatuman ha mga minimum wage earners ngan kasambahay ha Eastern Visayas an dugang -sweldo mahuman nga igpagawas an Wage Order No. RBVIII-25 at RBVIII-DW-06.
Ha ilarom han nasabi nga wage order, ₱35 an kabug-usan nga umento para ha mga mantratrabaho ha pribado nga sector.
Igpapatuman naman ine ha duha ka tanche, ₱17 kakulop nga adlaw Disyembre 8, ngan an kadugangan nga ₱18 in nakatalaan nga igpatuman ha Hunyo 1, 2026.
Pananglitan nga hul-os na ine nga naipatuman, masaka ha ₱440 an minimum wage para ha sektor han agrikultura ngan small-scale establishments, samtang magigin ₱470 naman para ha non-agriculture ngan mas dagko nga mga negosyo.
Subay mangud ha Wage Order No. RBVIII-DW-06 an bag-o nga panwelduhan para ha mga kasambahay: ₱6,400 ha chartered cities ngan first-class municipalities, samtang ₱5,800 ha mga munisipalidad, sakop hine an tanan nga mga kasambahay mapa stay-in man o stay-out.
Sumala kan Atty. Dax B. Villaruel, Regional Director ng DOLE-8, an umento in resulta han mahugot nga panginanu han Regional Tripartite Wages and Productivity Board ha kabutang yana hiton ekonomiya ha rehiyon alinsunod ha Republic Act No. 6727 o Wage Rationalization Act.
Gin-aghat naman han DOLE-8, an tanan nga mga employers nga magsunod ha iginpapatuman nga Wage Order agud nga malikayan an bisan anu nag penalidad ngan agud nga masigurado nga sakto an benepisyo an mga mantratrabaho ha rehiyon.
