-- Advertisements --
NATIONAL NEWS– Dayon nga magdudumara hin pag-aram an Regional tripartite wage and productivity boards ha ginduduso nga pagpahitaas hiton sweldo ha bug-os nga nasud.
Subay ha Department of Labor and Employment (DOLE) dayon hira nga maghihimo hin pag-aram ha nagin kamanduhan ni Pangulong Ferdinand Marcos Jr.
Ha gindumara nag ika 123rd Labor Day, ginmalatumat hiton pangulo nga parupadayon an ginhihimo nga pag-aram han Regional Tripartite Board.
Ginkakalipay pa hine nga tikang han nakalabay nga tuig, mayda na 16 nga rehiyon ha nasud an nakapagpatuman na hin paghitaas hiton sweldo.
Ginsisigurado naman han DOLE nga ira gindadagmit ngan tatagan kabatunan an bisan anu nga hirit ha dugang nga sweldo para hiton mga mantratrabaho.
