Nagpapabilin nga stable pa ngan waray anuman nga nakikita nga paghitaas an Department of Trade and Industry ha presyo han mga pangunahon nga papliton.
Kasunod ini ha pagkabaraka han kadam-an nga maghihitaas an presyo han mga papliton mahuman an pagsipa han presyo han mga produkto nga petrolyo mahitungod ha nae-eksperyensyahan nga kasamok ha Middle East.
Suby ha DTI, waray hira namonitor nga anuman nga abnormal nga pagkiwa han presyo han mga pangunahon nga papliton ha gindumara nga monitoring tikang ha 172 nga mga establisyemento.
Ginmalatumat ni Trade Assistant Secretary Regino Mallari Jr. nga ginsigurado ha ira han mga pangunahon nga manufacturers han mga pangunahon nga produkto nga maabot pa ha duha kabulan an inventory han ira produkto.
Ha oras nga madayon an pagsuspendi han excise tax ha mga produkto nga petrolyo in magkakamay-ada ini hin epekto ha mga pangunahon nga papliton tikang ha duha ngada ha walo kaporsyento nga paghitaas.
