Nagpagawas an Department of Trade and Industry hin bag-o nga “Gabay sa Pamimili ng School Supplies” para ha School Year 2026-2027 agud buligan an mga mamaralit nga magkumpara hin presyo samtang nag-aandam an mga pamilya para ha pag-aabri han klase.
Sumala ha DTI, panuyuan han ira price guide nga maghatag hin giya ha kadaras-an nga ginpapalit nga gamit ha iskuylahan sugad han notebooks, papel, lapis, ballpen, krayola, eraser, tahar, ngan ruler.
Basar ha advisory han ahensya:
Notebooks (80 leaves): P13 – P52
Spiral notebooks: P14 – P49
Yarn notebooks: P14 – P47
Grade pad paper: P13 – P37 kada pad o pack
Intermediate pad paper: P22 – P69.75 kada pad
Pencils: P12 – P18 kada usa / P15 – P24 per pack
Ballpens: P3 – P21 kada usa / P18 – P27 per pack
Crayons: P12 – P114 kada kahon
Erasers: P8 – P20 kada usa
Sharpeners: P16 – P69
Rulers: P8 – P32
Sumala ha DTI, an giya in ginpagawas agud mabuligan an publiko nga makapili hin barato nga school supplies samtang ginsisigurado la gihapon an kalidad ngan sakto nga label han mga produkto.
