NATIONAL NEWS – Ginpatapud han Department of Trade and Industry (DTI) ha publiko nga ginbabantayan nira an presyo ngan suplay han mga basic goods, sugad han mga pagkaon, yana nga panahon han kat-uran ngan mga kalamidad.
Sumala kan DTI Sec. Cristina Roque, tikang han igdeklarar han state weather bureau an pagsulod han kat-uran, mahugot na nga ginbabantayan han ahensya an mga presyo han papliton.
Ini in agud masiguro nga diri sisingabuton han mga negosyante an sagunsun nga pag-inuran kumo rason para mag-umento hin presyo.
Kadungan hini, ginbabanabana an pagsulod han mga bagyo ha nasod hinungdan nga kinahanglan bantayan an mga basic goods nga ginbabaligya ha mga merkado.
Manunumduman nga siyahan nga ginkumpirma han opisyal nga waray paghitaas ha presyo han mga pangunahon nga paliton ha kaluyo han sagunsun nga pag-umento ha presyo han krudo.
