NATIONAL – Ginpagios na ni Department of Trade and Industry Secretary Alfredo Pascual an monitoring team hine para panginanuon kun nagsusunod an mga supermarkets ngan groceries ha pagpapatuman han price freeze ha mga lugar nga gindeklara ha ilarom han state of calamity mahitungod ha naglabay nga bagyo ngan habagat.
Ha ilarom han Price Act, ngatanan han basic necessities in otomatiko nga ada ha price freeze o waray pagkiwa ha prevailing prices ha sulod han 60 kaadlaw para maproteheran an mga mamaralit tikang ha mga sinagbot nga paghitaas han presyo han mga papliton ha panahon han kalamidad.
Kaupod ha mga basic necessities nga ginbabantayan han DTI in an presyo han tinapay, canned fish ngan iba pa nga marine products, bottled water at containers, processed milk, locally manufactured instant noodles, kape, asin, sabon nga panlaba, detergent ngan mga kandila.
Nagpatapod naman hi Sec. Pascual nga ira sisiguradughon nga magpapabilin nga abot-kaya ngan accessible an mga pangunahon nga papliton para ha ngatanan han mga apektado nga residente.
