TACLOBAN CITY – Waray pa plano nga magpagawas hin bag-o nga Suggested Retail Price (SRP) an Department of Trade and Industry (DTI) yana nga bulan hiton Enero hasta ha pagsulod hiton bulan han Pebrero, ine in sumala kan Trade and Industry Eastern Visayas Information Officer, Anthea Aivi Borbon-Ancheta.
Karuyag sidngon, magpapabilin nga waray pagbabag-o ha mga presyo han mga basic necessities and prime commodities yana nga bulan ngan ha masunod.
Pero dire gihapon hine gintatanggal an posibilidad han pagkamay-ada hin umento han mga papliton yana nga tuig.
Sumala pa hine, mayda mga petisyon han mga pag-umento ha mga presyo han basic necessities and prime commodities tikang ha mga manufacturers pero mahugot pa ine nga gin aadman han ira buhatan.
Samtang, padayon naman daw an ira gindudumara nga monitoring ha mga presyo han mga papliton kun diin nagkakamay-ada la ine hin guti-ay nga pagkakaiba-iba ha mga lugar ha rehiyon mahitungod na gihapon han bayad ha logistics o transportasyon han mga produkto.
