TACLOBAN CITY – Nagdumara hin trade fair an Department of Trade and Industry (DTI) Regional Office 8 ha usa nga mall ha Marasbaras Tacloban City.
Sumala kan Anthea Aivi Borbon-Ancheta, Information Officer han Department of Trade and Industry (DTI) Regional Office 8, gin abrehan na an trade fair nga gin kalakipan han mga exhibitor hine in mga parag-uma hin lubi kun diin ine in nagtikang han ika-14 han Oktubre ngan maghuhuman naman ine ha ika-17 han presente nga bulan.
An nasabi nga trade fair in ginkalakipan han magkaduru-dilian nga mga Micro Small, and Medium Enterprises (MSMEs) tikang ha Samar ngan Leyte.
Pipira ha mga baligya hine sugad hiton mga native products o mga gamit nga nagtikang ha lubi ngan damo pa nga iba.
Mababaruan nga an nasabi nga trade fair in kaparte han tiarabot nga pagselebrar han ika-78th Leyte Gulf Landing Anniversary.
