TACLOBAN CITY– Naghatag hin kasayuran an Departement of Trade and Industry DTI Regional Office 8, may paghisumpay ha mga reklamo nga ira nakakarawat tikang ha mga rice retailers nga waray makakarawat han ayuda para ha mga nagin apektado han price cap.
Sumala kan Eleanor Etulle, Chief Consumer Protection Division DTI Regional Office-8, nagdumara hira hin monitoring tikang pa dida han Setyembre 5-22, 2023 kun diin ginlibot an tanan nga rice retailers ha merkado.
Subay han mao nga opisyal, ha monitoring in gin-aro an mga dokomento han mga retailers, gin-validate ngan ginpanginano kun complaint ba ine o dire, ngan nagsusunod han iginpatuman nga aludayday.
Ginklaro gihapon ni Etulle, nga dire tanan nga retailers makakatagamtam labi na adton waray magsunod han P41 regular milled rice, P45 well milled rice, ngan hitaas pa an pampresyuhan kun diin nagawas nga dire lugi an usa nga retailers sanglit dire liwat hiya makakatagamtan han nasabi nga ayuda.
Gintagan pa hine hin duon han mao nga opisyal, nga kinahanglan ha oras han monitoring, in myda iginpapakita nga dokumento an mge rice retailers, nga nagpapamatuod nga hira in qualified nga makakarawat han P15,000.
