-- Advertisements --
TACLOBAN CITY– Nagpagawas na an Department of Trade and Industry (DTI) region 8, han 2024 Noche Buena Price Guide ha 12 nga mga produkto nga kasagaran ginpapalit han mga Pinoy.
Sumala kan DTI Regional Office Vlll, Information Officer, Anthea Aivie Bourbon Ancheta, an nasabi nga price guide in magpapabilin nga epektibo ngada ha Disyembre 31, 2024.
Dugang pa hine nga kadam-an ha mga produkto dida han 2023 in waray magbag-o an presyo samtang an iba naman in humabo.
Gin-aghat gihapon han DTI-8, an mga mamaralit nga panginanuon anay an expiration date para masiguro an kalidad han produkto ngan mamalit hin tigdaay para makaburu-barato.
Panuyo naman han nasabi nga price guide in para magkaada hin ideya an mga mamaralit nga mas makatipid.
