NATIONAL – Natuod hi DSWD Sec. Rex Gatchalian nga usa nga dako nga pataraw-an an pagkakamay-ada hin P21 per meal food threshold.
Dugang pa hine, mahal an mga papliton yana ngan dire masakto an sugad nga kantidad.
Ginbuhat han sekretarya an pahayag kabahin han datos nga igin pagawas han NEDA nga kun diin ginpahayag hine nga dire maikokonsidera nga kablas an usa nga tawo kun kaya hine nga gumastos hin P64 kada adlaw ha iya pagkaon.
Syahan naman nga ginbatikos hi NEDA Sec. Arsenio Balisacan mahitungod ha nasabi nga datos.
Ginklaro naman ni Sec. Gatchalian nga damo an food poor indicator an PSA nga amu an basaranan ha paghimo han mga anti-poverty programs han gobyerno.
Kaupod na daw gihapon an assessment han mga social workers nga napakadto ha mga kumunidad ngan nakakakita han tinuod nga sitwasyon ngan reyalidad.
