TACLOBAN CITY– Nagpadangat hin hinabang an buhatan han DSWD ha San Ricardo Southern, Leyte ha mga pamilya apekadto ha nahipatik nga Oil Spill.
Sumala kan Atty. Jonalyndie Chua, OIC Regional Information Officer han DSWD Regional Office-8, 4 nga coastal barangays an apektado amo an Brgy. Benit, Timba, Cabutan ngan Camang kun diin may-ada ine 300 nga pamilya o kun maabot 980 nga mga indibidwal.
Nakahatag an buhatan han DSWD hin 300 family food packs, usa kada pamilya ngan nagkamay-ada gihapon food for work kun diin nakapanhatag hin duha ka-family food packs ha kada pamilya.
May-ada nagsusulod hin 6 ka-kilo nga bugas, de-lata ngan kape, an naipanhatag ha kada pamilya.
Maabot naman ha duha ka adlaw an ira gin trabahu-an ha coastal areas kun diin mayda oil spill.
Waray naman daw cash assistance nga naipanhatag tungod nga an gin-paabot han LGU amo an family food packs, ngan nag request ine hin food for work nga maglilimpyo han Oil Spill ngan makakabulig gihapon han mga pamilya nga naapektaran.
