NATIONAL – Ginsigurado han Department of Social Welfare and Development nga padayon hira nga maghahatag han bulig ha tanan nga mga benepisyaryo han Pantawid Pilipino Program o 4Ps.
Kasumpay ini han nagin malinampuson nga pagdudul-ong han ahensya ha “Trabaho ha Bagong Pilipinas para ha 4Ps” Job Fair ha San Fernando City ha Pampanga.
Ha usa nga pahayag ginmalatumat han DSWD nga maabot ha 21 nga mga pribado nga employer an nag-offer hin trabaho para ha mga mapartisipar.
Sumala kan DSWD Undersecretary Vilma Cabrera han Conditional Cash Transfer Group, an nasabi nga inisyatiba in kaparte han paningkamot han Marcos Jr. administrasyon nga matagan hin disente nga trabaho an tanan nga mga Pilipino.
Makakabulig gihapon ini agud masigurado nga an mga benepisyaryo han 4Ps in magkakamayda hin access ha trabaho ngan dayon nga makab-ot an pagigin self-sufficient.
