NATIONAL NEWS– Nanawagan an Department of Social Welfare and Development (DSWD) hin dugang nga mga volunteers para mag-andam hin relief goods nga igpapanhatag ha naapektaran han pag-alburoto han bulkang Kanlaon.
Subay ha DSWD mayda sobra 12,000 nga pamilya o 48,000 nga indibidwal an naapektuhan ngan aadto ha evacuation centers han Negros Occidental ngan Canlaon City.
An nasabi nga ihap in tikang ha 28 nga barangay nga apektado ha magkalain-lain nga lugar.
Ginpahayag ni Social Welfare Assistant Secretary Irene Dumlao nga tikang han mag-alburoto an bulkang Kanlaon in nakapanhatag na hira hin bulig nga pagkaon ngan magin bulig-pinansyal.
Ha pagkayana, mahugot naman an ira pakikipagsumpayan ha local government unit ha lugar agud nga dayon maipadara an mga ginkikinahanglan nga bulig.
