Nanawagan an Department of Social Welfare and Development (DSWD), partikular an National Authority for Child Care (NACC), ha mga social media platforms sugad han Meta nga mas pahugton nga tutukan an online baby selling ngan illegal adoption groups.
Sumala kan Rowena Macalintal, nakikigumpayan na an ahensya ha Philippine National Police ngan Women and Children Protection Center agud tutukan an mga Facebook groups nga nagbabaligya hin bata o nagduduso hin online adoption.
Maabot naman an presyo han kabataan tikang ha P8,000 kutob P130,000, ngan mayda pa pira nga grupo nga mayda sobra 13,000 nga membro.
Igin eksplikar ni Macalintal nga dire pwede tanggalon an ngatanan han grupo mahitungod nga mayda ongoing law enforcement operations ngan entrapment activities.
Sugadman, pwede magbaton an parehas seller ngan buyer ha ilarom han balaod, mahitungod nga illegal an online adoption ha Pilipinas.
Gintagan-duon gihapon han opisyal nga an lehitimo nga proseso han adoption in nag-iiha hin sobra-kulang siyam kabulan kun masunod ha ngatanan nga dokumento ngan pamaagi.
Kasumpay hini, para ha mga kag-anak nga dire akos atimanan an ira mga anak, ginmalatumat han opisyal nga pwede hira dumaop ha NACC, DSWD offices, o iba pa nga lisensyado nga child care facilities para ha sakto nga assessment ngan counseling.
