NATIONAL – Umapela an ahensya han Department of Social Welfare and Development ha mga kandidato yana nga piniliay nga seryosohon an pangangampanya ha mga bulnerable nga sektor han kumunidad.
Sumala kan Social Welfare and Development Secretary Rex Gatchalian, kinahanglan pahitas-an han mga kandidato an lebel han diskurso han ira pangangampanya ha mga molupyo.
Mas maupay daw gihapon nga dire gumamit hin mga pulong nga nakaka-insulto ha mga ine.
Ginbuhat han sekretarya an pahayag kasunod han video nga nagsarang online kun diin nagpagawas hin komento an usa nga kandidato para ha mga solo parents.
Dugang pa hine, an mga sugad nga pahayag ngan pamulong in klaro nga dire makalilipay.
Nagpapakita la ine gin pan-iinsulto ha mga ine.
Punto pa han sekretarya, an ngatanan han solo parent ha nasud in maikokonsidera nga bayani mahitungod ha ira mga sakripisyo ha pagpadako han ira mga anak ngan pagsustento ha pamilya.
