NATIONAL NEWS– Umabot na ha kabug-usan nga P40.265 million an naipandestribwer nga cash assistance han Department of Social Welfare and Development (DSWD) para ha mga pamilya nga naapektaran hann magnitude 7.8 nga linog ha Mindanao.
Subay ha DSWD, igin-pandistrebwer an bulig-pinansyal ha ilarom han Assistance to Individuals in Crisis Situation (AICS) program kumo kaparte han bulig ngan pagbaton han gobyerno ha mga residente ngan pamilya nga naapektaran han makusog nga linog.
Ginmalatumat ni DSWD Disaster Response Management Group (DRMG) Assistant Secretary Irene Dumlao nga nagpapadayon an paghahatod hiton mga bulig han ahensya, partikular na ha General Santos City ngan iba pa nga mga lugar ha rehiyon han SOCCSKSARGEN.
Subay pa ha opisyal, ginsigurado han ahensya nga an mga pamilya in nagpailarom ha ira assestment ngan validation in naka-karawat hin kaangayn nga bulig agud nga mabaton an ira panginahanglan samtang nagtitikang an mga ine makabakdaw ha epekto han linog.
Labot la ha cash aid, nakaghatag na gihapon an DSWD hin mga family food packs (FFPs), non-food items, ngan ready-to-eat food (RTEF) boxes para ha mga apektado nga residente.
Ginatagan gihapon duon ni Dumalao nga nagpapabilin nga nakabantay an ahensya alinsunod ha direktiba ni Pangulong Ferdinand Marcos Jr. Agud nga masigurado nga waray pamilya nga naapektaran han kalamidad an mababayan ngan dire mabubuligan.
Ginklaro han DSWD nga an tanan nga serbisyo ngann ayuda nga iginpanhatag ha mga apektado nga residente in alinsunod ha nagpapadayon nga protocol ngan aludayday ha disaster response agud nga magin maupay ngan patas an distribusyon .
