NATIONAL NEWS– Nagpahinumdom an Department of Social Welfare and Department (DSWD) ha mga kag-anak ngan guardians nga sayo na nga mag-aplay hiton travel clearance han mga menor de edad ugsa nga dumamo an pasaheros nga mabiyahe para ha Christmas holiday.
Sumala kan DSWD spokesperson ASec. Irene Dumlao, an mga pamilya nga nagpla-plano nga bumiyahe ha iba nga nasud in kinahanglan nga makakuha anay hiton travel clearance certificate 30 diyas ugsa lumakat ha Pilipinas para malikayan an aberya.
Dugang pa hiton opisyal, an mga aplikante in pwede nga magpasa pinaagi hiton Minor Traveling Abroad Online System o eGov PH mobile application, nga pwede himuon ha online devices ngan web connection.
Kinahanglan daw nga magpailarom an mga aplikante ha virtual interview ha DSWD Social workers para maberipika an ira igsusumiter nga impormasyon.
An nasabi nga travel clearance in parte han pitad hiton gobyerno para malikayan an human trafficking ha mga menor de edad o mga indibidwal nga 18-anyos paubos an pangidaron nga bumiyahe abroad nga waray upod nga kag-anak.
