TACLOBAN CITY – Padayon an implementasyon han Department of Social Welfare and Development (DSWD) Regional Office 8 ha programa hini nga Assistance to Individuals in Crisis Situation (AICS).
Sumala kan Irene Permejo, Crisis Intervention Section han DSWD Region 8, an mao nga programa in nagpapanuyo nga matagan hin kadugangan nga bulig o hinabang an mga pamilya o indibidwal nga naatubang ha kakurian o ciris situations.
Ini in usa nga augmentation support agud nga mabuligan an pamilya nga maibalik ha normal an sitwasyon.
Prayoridad naman han mao nga program an poorest of the poor labi na gud an ada ha vulnerable sectors sugad han mga senior citizens ngan PWDs.
Dugang pa hini nga kada satellite offices han DSWD in may nag-aatender han mag kliyente nga naaro hin bulig pinaagi han mao nga programa.
Mayda naman kaangayan nga mga resikitos nga kinahanglan nga masumiter han kliyente nga naaro hin medical o burial assistance.
Mahitungod naman han COVID-19 pandemic ngan mga protocols nga ginpapatuman kada adlaw in maabot la ha 50 nga mga kliyente han AICS an ira naaakomodar.
