TACLOBAN CITY – Ginpahibaro han Department of Social Welfare and Development DSWD regional office 8, nga magkakamayda an ira buhatan yana nga adlaw hin Elderly Week Celebration, para ha mga senior citizens ha usa nga mall hiton syudad ha Marasbaras Tacloban.
Sumala kan Ivan Malquez, Information Officer han DSWD-8, nga magtitikang an ira aktibidad niyan hiton alas 8:00 hitun aga ngan mahuhuman naman ine alas 3:00 hitun kulop.
Ha mao nga aktibidadis nga pagdudumaraon han ahensya hiton DSWD-8, in magkakamayda ine hin libre nga health checkups ngan medicine distribution, kalakip na an COVID-19 immunization tikang ha Department of Health DOH-8.
Dugang pa han mao nga opisyal, magkakamayda gihapon hira hin serbisyo kasumpay ha NCSC/DSWD, ngan PhilHealth, ngan maghahatag gihapon an buhatan hin ceremonial awarding ngan cash gift ha usa nga centenarian nga residente naman hiton Tacloban City.
Para naman ha mga senior citizens nga magbeberipika han ira status ha DSWD-PhilHealth kasumpay ha ira mga social pension, in dad-on la an usa nga valid ID nga naka photocopy ngan sugadman live birth certificate.
Ginmalatumat naman han mao nga opisyal, nga imbitado naman an tanan nga mga senior citizen ha syudad hiton Tacloban ngan magin han mga taga Palo Leyte.
