TACLOBAN CITY – Ginklaro han Department of Social Welfare and Development (DSWD-8) nga nagiging pakuriay ha pagkayana an panrelease han payouts han Social pension tungod han ginkaka atubang nga pandemya.
Sumala kan Marie Angela Gopalan, Regional Director han DSWD- Region 8, nga danay in naabot hin pira ka adlaw an pagrelease tungod nga kinahanglanun nga ig practice an social distancing hilabi pa nga ada ha mga bulnerable nga sector an ira mga beneficiaries.
Nakipagsumpayan naliwat hira ha mga alkade ha kada mga LGUs agud nga diri magin makuri an transition.
Samtang nanawagan naman hi Gopalan, nga kun mas maupay in makilayun nala an mga beneficiaries ha ira kapamilya nga diri ada ha bulnerable nga sektor.
Ha pagkayana in ada na ha 75% an nareleasan nira han pay out tikang han 2019 nga item.
Samtang papatikangan naman sunod nga tuig an pan release han 2020 nga item.
