NATIONAL – Gin rerespeto han Drugstores Association of the Philippines (DSAP) an pahayag han Department of Trade and Industry’s (DTI) kasumpay ha pagbabaligya han over-the-counter (OTC) nga medisina ha mga sari-sari stores.
Suportado gihapon han DSAP an pagpapaupay han access ha healthcare pero gintaga-duon nga kinahanglan hin sakto nga regulasyon ngan pagmamangulo ha pagbabaligya han medisina.
Iginpahinumdom nira an importansya han Republic Act 10918 nga may panuyo nga proteheran an publiko kontra ha sayop nga paggamit han medisina.
Ginhingadayan an nasabi nga istoryahon ha di pala maiha nga pagbisita han Food and Drug Administration (FDA) director general ha opisina han DSAP.
Nanawagan an asosasyon han mga drugstores nga unahon nga huna-hunaon an katalwasan han publiko samtang ginhuhulat an opisyal nga posisyon han FDA kasumpay ha isyu.
