METRO MANILA – Magkaurupod utro an pamilya han mga drug war victim nga magkikita ha pagpagawas han International Criminal Courth han desisyon hini kasumpay ha petisyon han kampo ni anay Presidente Rodrigo Duterte nga nakwestyon ha hurisdiksyon han international tribunal ha Pilipinas.
Manunumduman usa ini ha mga pangunahon nga ginkwe-kwestyon han defense team ngan gintalaan naman han tribunal an pagpapagawas han desisyon ha Abril 22.
Sumala kan Atty. Neri Colmenares, an usa ha mga legal counsel han pamilya han mga biktima, nga dire na hira mabiyahe pakadto ha The Hague, Netherlands mahitungod ha mahal nga gastuson.
Lugod, in mag-u-urupod na la an mga pamilya han mga biktima nga magkikita ha pagpagawas han desisyon, nga ginlalauman naman nga gaganapon ha alas-singko han kulop.
Nagpapabilin naman nga positibo an mga biktima nga igbabasura an petisyon han defense agud ipadayon o tikangan na an trial kontra ha anay presidente han Pilipinas.
Eksplikar pa han abogado, dire gihapon obligado an pamilya han mga biktima nga umatender ha court proceedings, sugad ni anay Presidente Duterte nga siyahan na nga nagpahayag nga dire hiya magkikita.
