TACLOBAN CITY – Maabot na unom nga indibidwal an naaresto han Philippine Drug enforcement Agency (PDEA) ha ira na dismantle nga drug den ha Brgy 39 Calvary Hill siyudad han Tacloban.
Ginkilala an mga suspek nga hira Ramon Rubillos (Drug Den Maintainer), 28, Rey Dalmero, 27, Ronmark Dalmero alyas “Omar”, 23 anyos, Robert Lagumbay, 27, John Arwen Evangelista, 25 anyos, ngan Albert Rubillos, 29 anyos pareho mga residente ha Brgy. 39, Calvary Hill, Tacloban City.
Nakompiskar ha mao nga operasyon an maabot ha 4 kabug-os nga plastic sachet nga mayda sulod nga gintutuuhan nga Shabu.
Mayda naman ini market value nga naabot ha Php 74,800.00.
Labot pa hini in nakuha liwat ha mga suspek an 1 ka bug-os nga medium heat sealed han marijuana ngan duha ka bug-os hin seedlings hin marijuana.
Ginpasakahan na an mga ini hin pagtalapas han Section 5,6,7,11,12,15 ngan 16 han Article II han RA 9165.
Yana in temporaryo ini nga nakadetiner ha PDEA RO8 Detention Facility.
