TACLOBAN CITY – Nabungkag han mga otoridad an usa nga drug den ha gindumara nga buy-bust operation ha Bato Leyte.
Sumala kan Rogellete Urgel, Information Officer han Philippine Drug Enforcement Agency (PDEA) Regional Office 8, arestado an tulo nga mga drug personalities ha nasabi nga buy-bust operation.
Ginkilala an mga suspek kanda Charlito Perez alyas “Aploy”, Niel Sanchez alyas “Bungi” ngan Noel Manos alyas “Tawe”, mga drug den maintainer.
Nakuha naman ha mga suspek an pira kasachet han gintotoohan nga shabu nga natimbang naman hin haros 15 kagramo ngan may-ada market value nga P102,000 ngan iba pa nga mga drug paraphernalias.
Mag-aatubang naman an mga suspek ha kaso han violation han RA 9165 o Comprehensive Dangerous Drugs Act of 2002.
Ha pagkayana in temporaryo an mga ine nga nakadetine ha Bato Municipal Police Station Lock-up Facility.
