TACLOBAN CITY – Nabungkag an usa nga drug den ha gindumara nga operasyon han mga otoridad ha Barangay Caticugan, Sta. Rita Samar.
Ginkilala an mga suspek kanda Christian Ojales Silvano 30-anyos an pangidaron, Noel Lacaba Amascual 34-anyos, Marlon Ojales Mista 42-anyos, Danny Amascual Laure 37-anyos ngan Jomar Lanigao Ojales 37-anyos an pangidaron ngan mga residente han Sitio Cantaba Barangay Caticugan Sta. Rita Samar.
Sumala kan Rogellete Urgel Information Officer hitun PDEA Region-8 , usa nga High Impact Operation (HIO) Dismantling of Drug Den an ira ginhimo.
Basar hiton inisyal nga imbestigasyun, nakumpiskar an maabot 6 ka bug-os hitun transparent plastic sachet nga gin-aalegar nga shabu nga may-ada estimated street value nga P68K pesos, nakuha gihapon ha posisyon hitun mga suspek an P663.00 nga kwarta, usa nga unit hiton cellphone, 3 ka bug-os nga disposable lighter, 2 ka bug-os nga sigarilyo, aluminum foil, 1 nga unit key ngan sling bag, 1 ka bug-os nga blue box ngan mga personal na mga gamit han mga hine.
Mababaruan an balay nga ginsulod han mao nga opisyal in dire pagtatag-iya han bisan hino nga mga suspek kundi tag-iya ine han anak hitun Chief Tanod han barangay.
Ha pagkayana in maatubang an mga suspetsado ha kaso nga pagtalapas hitun Violations of Sec. 5, 6,7,11 12 and 15 Art. II of RA 9165 and Article 151 of RPC.
