-- Advertisements --
ODD NEWS — Nakadiskubre hin bag o nga pamaagi an National Center for Meteorology han Dubai, United Arab Emirates agud makahimo hin uran.
Ini in ha pamaagi han mga drones, nga armado han laser beams nga igintutusok ha mga dampog.
Matungod ha kuryente nga dara han laser beams, in magpupundok an gudti nga mga turo han tubig tikang ha dampog sanglit magiging mabug-at an mga ini ngan maturo ha tuna kumo usa nga uran.
Kumo pamatuod nga manilampuson an bag o nga diskubre nga pamaagi agud makahimo hin uran, in ginpost ini han ahensya ha internet an duha nga video han makusog nga uuran ha kakalsadahan han Dubai.
Importante ini para ha UAE, nga nakaka eksperyensiya la hin panalagsa nga uran kada tuig.
