-- Advertisements --
TACLOBAN CITY — Napasakahan na hin kaso an driver han usa nga Toyota Avanza nga nakabangga han tricycle ha Barangay 93 Bagacay, Tacloban City.
Una hini, dead on the spot an duwa nga lalaki samtang samaran naman an 3 pa nga kaupod hini mahuman nga bangga-on an ira ginsasakyan nga tricycle hin Toyota Avanza kakulop nga adlaw.
Sumala kan PCapt Joselito Amistoso, OIC incharge hiton Police Station 2 Abucay, dayon nira nga gin asikaso an tanan nga mga ginkikinahanglan nga dokumento agud nga madagmit nga mapasakahan hin kaso an mao nga driver.
Ginpailarom gihapon ini ha confirmatory test agud nga mahisabtan kun ini ba in hubog samtang nagmamaneho.
Ha pagkayana in adto na ha kustodiya han mga kapulisan an mao nga driver.
