TACLOBAN CITY – Kalung-kagong na ha presohan an usa nga driver hin Government Official ha Northern Samar tungod han gin aalegar nga panlugos ha usa nga 24 anyos nga babaye.
Nakilala an suspek kan Roberto Espina, 47 anyos, driver han usa nga board member ngan presente nga Job Order Employee han Provincial Capitol han Northern Samar.
Sumala kan Pol. Maj. Eddie Esidera, hepe han Catarman Police Station, pumakadto ha ira stasyon an biktima nga hi alyas Christina para ig reklamo an suspek nga daw nanlugos ha iya.
Nagpakilala daw ini kumo usa nga Military official ngan nagpatapod ha biktima nga bubuligan ini nga makagawas an iya asawa ha presohan kabalyo hin pakighilawas.
Dayon naman nga nagdumara hin entrapment operation an mga kapulisan kun diin nadakop an suspek nga nakuhaan pa hin illegal nga droga ngan yana in naatubang na ha patong-patong nga kaso.
