Driver han truck nga nagbilin hin duha nga patay, nakasuhan na
TACLOBAN CITY- Napasakahan na hin kaangayan nga kaso an driver han truck nga nakabunggo hin habal-habal nga nagbilin hin duha nga patay ha highway han Culaba, Biliran dida han nakalabay nga semana.
Una hini han aksidente nga mabungguan an habal habal han usa nga truck nga guin manihuan han 22 anyos nga driver nga hi Joebert Masucol Salodaga.
Samtang guinkilala naman an mga biktima nga hira Niel Aruta, driver han habal-habal ngan sugad man an 13 anyos nga pasahero hini nga studyante nga hi Dane Danielle Dela Cruz, pareho residente han Brgy. Pinamihagan, Culaba, Biliran.
Basar ha Culaba PNP nga ini an syahan nga madugo nga aksidente ha kakalsadahan han mao nga lugar yana nga tuig 2017.
Samtang, nagpahimatngon naman an mga otoridad han Culaba ngadto ha mga kag-anak nga siguraduhon an katalwasan han mga studyante labis na kun tikadto na an mga ini ha skwelahan agud nga mahirayo ha bisan ano nga disgrasya.
