NATIONAL–Ginsigurado ni DPWH Secretary Vicne Dizon nga bago umabot an Mahal na Araw ha bulan han Abril in mahuhuman na an pag-aayad han Maharlika Highway.
Pasado alas 9 han agb i han umabot hi Secretary Vince Dizon ha Calbayog City agud nga magbuhat hin inspeksyon ha Maharlika Highway ha Samar.
Syahan hiya nakigpulong ha pira nga opisyal han Samar upod hira Calbayog City Mayor Raymund Uy, Samar Governor Sharee Ann Tan, anay Congressman Paul Daza, 2nd District Congressman Reynolds Tan, ngan DPWH Regional Director Edgar Tabacon.
An maharlika Highway in mayada kahilaba nga 3,517 km tikang ha Laoag City kutob general Santos City ha Mindanao.
Ha iya inspeksyon sakay ha usa nga bus, na-eksperyensyahan hmismo ni Dizon an grabe nga kalbaryo han mga motorista ha presente nga sitwasyon ha Samar.
Mahitungod hine, ginduon han kalihim nga kinahanglan nga mahuman an reblocking han mga ruba nga parte han kalsada bago an Mahal na Araw.
Kalakip gihapon ha iya gininspeksyon kay an Calbiga Bridge, nga mayada load capcity nga 15 metric tons para ha mga sarakyan tikang ha pa han ika 27 han Oktubre 2025.
Ginbabana banab nga maabot ha P16-B an pondo nga gagamiton para ha Maharlika Highway, kun diin P8.05-B an nakareserba para ha Samar.
Sumala kan Dizon, kinahanglan nga mahuman dayon an proyekto mahitungod nga sobra na an ginaalegar nga pagkukuri han mga Pilipino nga naagi ha mao nga Highway, labi na ha Samar area.
