-- Advertisements --
NATIONAL NEWS– Andam nga tumindog kumo testigo ha Sandiganbayan hi Department of Public Works and Highways (DPWH) Secretary Vince Dizon kun titikangan na an hearing han kaso kontra kan anay kongresista Elizaldy Co ha maabot nga Enero 20.
Sumala hiton Kalihim natural ine matungod nga hiya an naghaon hin reklamo ha kadamo hiton kaso nga ginkaka-atubang ni anay AKO Bicol partylist member.
Gindig-unan hine nga padayon an ginhihimo nga proseso ngan ira papagbatunon an angay magbaton.
Manunumduman, nadabi hi Co ha daw substandard nga mga road dike project nga nagpan-pan han nakalabay nga Hulyo nga himo han kompanya nga Sunwest Inc. ha Oriental Mindoro ngan ine in nagkakantidad hin P289 milyon.
