TACLOBAN CITY – Nakaandam na an Eastern Samar District Engineering Office- DPWH ha nakatalaan nga pagdumara han Oplan Baklas operation kaupod an COMELEC ha bug-os nga probinsya.
An mao nga operasyon in para ha panbaklas han mga campaign materials han mga kandidato nga dire sakto an ginbutangan o dire nagsusunod ha gintutugot nga sukol o measurement sugadman content.
Sumala kan Engr. Jayson Espeso, PIO Designate han Eastern Samar District Engineering Office, ha pagkayana in nagpapamulat pa hira hin go signal para han mao nga Oplan Baklas ngan mayda na gihapon nakatudlok nga ira mga field personnel ha kada bungto.
Magseserbe naman an ira mga personnel kumo additional labor force ngan an COMELEC an magtutudlok kun hain an ira angay baklason nga mga campaign materials.
