NATIONAL NEWS– Utro nga gin-abrihan han Department of Transportation (DOTr) an aplikasyon para ha consolidation han mga public utility vehicles (PUVs) ha ilarom han Public Transport Modernization Program (PTMP).
Subay ha Department Order No. 2025-009 ginpirmahan ni Transportation Secretary Vince Dizon, sakop dinhi an mga jeepney ngan UV Express operators nga waray pa magpa-consolidated, may pending application, o may motion to accept consolidation, kinahanglan la nga rehistrado an ira mga unit ha Land Transportation Office (LTO) tikang han 2023 o 2024 ngan may kumpirmasyon han Land Transportation Franchising and Regulatory Board (LTFRB).
Panuyo han PTMP nga balyuan an mga daan na nga jeepney hin mas environment-friendly ngan roadworthy nga modern units.
Subay ha DOTr, 86% han PUV operators an nag-aplay para ha consolidation pero ada pala ha 40% an naaprubaran.
Ginatagan-duon ni Secretary Dizon nga abre hiya ha mga pagbabag-o han programa agud nga matagan kabatunan an araba han mga transport groups.
