-- Advertisements --
NATIONAL NEWS– Ginpahuro-hugot hiton Department of Transportation an pagkontra ha online license fixers ngan mga non-compliant driving schools.
Subay ha DOTr, maabot ha 100 mga driving schools na an ira naipasara ha sulod han duha kasemana.
Matungod ha mao nga pitad, karuyag nira nga mapadagmit an pagkuha han publiko han ira drivers license.
May mga babag-uhon hira ha sistema para malikayan an corruption ngan ma-aghat an mga aplikante nga umagi ha sakto nga proseso.
An pautro-utro nga proseso ngan damo nga requirement an nagduduso para humitaas an ihap han mga fixers.
Ginsigurado han DOTr nga dire hira maundang nga lanaton an mga indibidwal ngan mga institusyon sugad hiton clinics , testing centers ngan driving schools.
