NORTHERN SAMAR – Ginpadig-on han Department of Tourism (DOT) an kaandaman ha mga local emergencies ngan ginpahuru-hugot an mga lebel han katalwsan ha kabukiran ngan nature-based tourism areas ha Northern Samar pinaagi han panhatag han mga start-up safety training kits.
Gindumara an turnover han mga ekipahe dida han nakalabay nga Hwebes ha Gamay Municipal Hall, nga gin atenderan naman han mga opisyal han Department of Touros, local government officials. ngan local tourism officiers han Northern Samar.
An kada kit in mayda sulod nga importante nga gamit sugad han drawstring bag, dri-fit shirt, bucket hat, ngan standard first aid kit.
Subay ha Department of Tourism (DOT), an nasabi nga mga tools in makakabulig nga ha mga trained responders nga gumios kumo frontliners ha pagsigurado han katalwasan han mga turista ngan paghatag hin sakto nga bulig durante han mga emergencies.
An mga benepisyaryo han nasabi nga mga kits in an mga nag-human han Mountain Search and Rescue (MOSAR) Training Program ngan gin organisa han DOT Eastern Visayas regional office.
Kalakip naman ha mga benipisyaryo in mga mountaineering enthusiasts, community tour guides, members han Community-Based Tourism Organizations, ngan local government unit emergency responders tikang ha mga bungto han Gamay, Lapinig, ngan Palapag.
Gintututdo han MOSAR training an mga teknikal nga skills ha search, rescue, ngan first aid, partikular na ha mga mabukid ngan delikado nga tourism sites.
Subay pa ha DOT, dako an naibubulig han nasabi nga inisyatiba ha pagpapahitas han kaandaman han mga lokal nga kumunidad ngan pagpapadig-on han katalwasan han mga bisita—mga butang nga importante agud mapabilin an pag-ursa han turismo ha lugar.
Samtang, yana nga maaram ngan may sakto nga kagamitan na an mga community partners, in ginlalauman han Department of Tourism nga mas talwas na an mga tour, mas may kumpyansa an mga tour guides, ngan mas malaksi na ha pagbaton han mga emegencies.
