TACLOBAN CITY — Naghimo hin guidelines an Department of Tourism Eastern Visayas regional office nga maggigiya ha operasyon han mga tourism establishments ha ilarom han gintatawag nga new normal.
Ini nga mga guidelines in magseserbi nga manual para ha operasyon han mga tourism sites ngan activities ngan applicable ini ha tanan nga mga tourista, guests, tourism sites, destination operators or managers, tourism service providers ngan kaupod na an mga empleyado ha tourism site .
Nakasentro ini nga manual ha mga igpapatuman nga mga health protocols ha mga tourism sites kon diin nakabase liwat ini ha protocols han Department of Health, Department of Trade and Industry ngan Department of Labor and Employment for the prevention and control of Covid-19.
Sumala kan DOT Regional Director Karina Rosa Tiopes nagdumara na hira pakikipaghimangraw ha mga tourism officers ngan personnel tikang ha Philippine National Police ngan Department of Environment and Natural Resources kabahin han bag-o nga guidelines.
Dugang pa ni Tiopes nga ha pag abre han mga tourist destination ha publiko kinahanglan nga mayda gihapon ginsusunod nga health protocols para magin talwas an mga turista kaupod na an mga empleyado han mga tourism sites.
