TACLOBAN CITY – Padayon an pangarawat han Department of Science and Technology Region 8 hin mga aplikasyon para ha Department of Science and Technology – Science Education Institute (DOST-SEI) para han yana nga tuig.
Sumala kan Jean Gay Ragub, Senior Science Research Specialist ngan Scholarship Regional Technical Coordinator hiton Department of Science and Technology Region 8, an nasabi nga programa in an kasugbong han ira buhatan nga naghahatag hin science education assistance ha mga Pilipino nga istudyante.
Ha yana in mayda nira gin-ooffer nga usa pa nga scholarship amu an Junior Level Science Scholarship.
An nasabi nga oportunidad in para ha mga upcoming 3rd year students, kinanglan nga regular 2nd year students na ha oras han aplikasyon.
Matikang an effectivity han nasabi nga scholarship pagtamak han mga ine ha 3rd year, rason nga gintawag ine nga Junior Level Science Scholarship.
Parehas naman an matatagamtaman nga benipisyo han mga makakabulig han scholarship ha benipisyo nga nakukuha han Undergraduate Scholarship.
