Napakyas hi Pinoy boxing legend Nonito Donaire Jr kontra kan Riku Masuda ha ira bantanweight title eliminator ha Yokohama, Japan.
Sumurender na an kampo han 43-anyos sanglit ginlabog hini an ira busag nga towel ha ikawalo nga round.
Ha katikangan pala han mulay in ginpauranan na hin suntok han nakababata nga Japanese boxer hi Donaire.
Nakabawi hi Donaire ha ikalima nga round kun diin naigo niya han iya left hook ngan sinundan han right hook an 28-anyos nga Japanese boxer.
Pagsulod han ikaunom nga round in nakabawi an Japanese boxer ngan napatumba hini an Pinoy boxer.
Ini na an ikaduha nga sunod nga perdi ni Donaire, ngan mayda na ini rekord yana nga nga 43 nga daog, 10 nga pirde, ngan 28 nga knockouts, samtang an Japanese boxer nga hi Masuda in mayda 10 nga daog ngan usa nga pirde.
Dida han Disyembre manggud in napirde hi Donaire kan Seiya Tsutsumi han Japan pinaagi han split-decision.
