Nag-isyu na hin labor advisory an Department of Labor and Employment (DOLE) kumo giya ha pwesldo ha mga deklarado nga non-working days ha maabot nga Nobyembre.
Ini in mahitungod ha deklarado nga special non-working days an Nobyembre 1 nga Adlaw han mga Santo ngan Nobyembre 2 o Adlaw han mga Kalag nga mahitutungod ha Dominggo ngan Lunes.
Subay ha DOLE, “No Work, No Pay” an patakaran ha nasabi nga mga petsa labot nala kun mayda nagpapadayon nga aludayday an kompanya subay ha ira collective bargaining agreement.
Para ha mga magta-trabaho ha nasabi nga adlaw, mayda dugang nga 30% ha syahan nga walo kaoras, kun diin mayda panibag-o ngha 30% ha kada oras nga lahos na ha regular na nga iskedyul han trabaho.
Kun mahitutungod naman ha rest day o day han empleyado an special non-working day, mayda dugang nga 50% ha basic wage an masulod nga mga empleyado.
Bulag pa dinhi an panibag-o nga 30% han naka-day off pero kinahanglan mag-overtime.
Samtang, ha Nobyembre 30 nga usa nga regular holiday mahitungod ha Bonifacio Day in double pay an kakarawton han mga masulod nga empladyo labot pa ha dugang nga 30% ha kada oras han overtime.
Kun adlaw han pahuway han empleyado nga masulod ha Bonifacio Day, mayday panibag-o nga 30% hiya nga kakarawton ha iya daily wages.
