NATIONAL – Gindumara han Department of Labor and Employment (DOLE) an konsultasyon kaupod an mga stakeholders tikang ha sektor han manufacturing, construction, ngan agriculture ha Visayas ngan Mindanao kumo kaparte han kampanya kontra ha child labor.
Gin hingadayan ha nasabi nga konsultasyon an mga suhestyon kun patiunan-o mapapahusay an mga nagpapadayon nga patakaran agud masigurado an talwas ngan legal nga proteksyon han mga kabataan.
Panuyo hine nga rebisahon an Department Order No. 149 nga natudlok ha mga delikado nga klase hin trabaho para ha mga menor de edad.
Sugad han gindumara nga konsultasyon ha Luzon, nakiparte gihapon hine an mga eksperto tikang ha Institute for Labor Studies, Occupational Safety and Health Center, ngan International Labor Organization (ILO), agud maghatag hin mga halarom nga hibaro pa paghihimo hin mga patakran para ha seguridada han kabataan.
